Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
<<Dem. 19.68 | Dem. 19.71 (English) | >>Dem. 19.74 |
19.70ἵνα τοίνυν εἰδῆθʼ ὅτι καὶ κατάρατός ἐστιν ὑφʼ ὑμῶν , καὶ οὐδʼ ὅσιον ὑμῖν οὐδʼ εὐσεβές ἐστι τοιαῦτʼ ἐψευσμένον αὐτὸν ἀφεῖναι , λέγε τὴν ἀρὰν καὶ ἀνάγνωθι λαβὼν τὴν ἐκ τοῦ νόμου ταυτηνί .πῶς οὖν οὐκ ἄτοπον καὶ ὑπερφυὲς ἂν πεποιηκότες ὑμεῖς εἴητε , εἰ ἃ προστάττετε , μᾶλλον δʼ ἀξιοῦτε ποιεῖν ὑπὲρ ὑμῶν τοὺς θεούς , ταῦτʼ αὐτοὶ κύριοι γεγενημένοι τήμερον μὴ ποιήσαιτε , ἀλλʼ ὃν ἐκείνοις εὔχεσθʼ ἐξώλη ποιεῖν αὐτὸν καὶ γένος καὶ οἰκίαν , τοῦτον ἀφείητʼ αὐτοί ; μηδαμῶς · ὃς γὰρ ἂν ὑμᾶς λάθῃ , τοῦτον ἀφίετε τοῖς θεοῖς κολάζειν · ὃν δʼ ἂν αὐτοὶ λάβητε , μηκέτʼ ἐκείνοις περὶ τούτου προστάττετε .
εἰς τοίνυν τοῦτʼ ἀναιδείας καὶ τόλμης αὐτὸν ἥξειν ἀκούω , ὥστε πάντων τῶν πεπραγμένων ἐκστάντα , ὧν ἀπήγγειλεν , ὧν ὑπέσχετο , ὧν πεφενάκικε τὴν πόλιν , ὥσπερ ἐν ἄλλοις τισὶ κρινόμενον καὶ οὐκ ἐν ὑμῖν τοῖς ἅπαντʼ εἰδόσι , πρῶτον μὲν Λακεδαιμονίων , εἶτα Φωκέων , εἶθʼ Ἡγησίππου κατηγορήσειν . ἔστι δὲ ταῦτα γέλως , μᾶλλον δʼ ἀναισχυντία δεινή .
Ἀρά
19.72
Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
<<Dem. 19.68 | Dem. 19.71 (English) | >>Dem. 19.74 |